Esekiren 30. urteurrena: eskerrik asko gure historiaren parte izateagatik
Larunbat honetan Esekiren 30. urteurrena ospatu dugu. Egun polita izan zen, eta bide honen
parte izan diren eta diren pertsona askorekin elkartzeko aukera izan genuen: bezeroak,
hornitzaileak, lankide ohiak, enpresa laguntzaileak, lagunak etab.
1995-ean pertsona talde txiki batek Eseki sortzea erabaki zuenean, helburu argi batekin egin
zuen: inguruko industriari kalitatezko zerbitzu eta irtenbide teknologikoak eskaintzea, ikuspegi
kooperatibo, hurbil eta konprometitu batetik. Hiru hamarkada hauetan, hazi egin gara lagile
kopuruari, esperientziari eta lan arloen kopuruari dagokienez, baina sorkuntzatik izan ditugun
balio berberak mantentzen jarraitzen dugu: talde-lana, gizarte-konpromisoa, berrikuntza eta
gure lurrarekiko errotzea.
Eseki errealitate sendoa da gaur egun, Eseki osatzen duten eta Esekiko kide izan diren pertsona
guztien ahaleginari esker, hasiera-hasieratik bultzatu gintuztenen eta gaur egun ilusioz
etorkizunari begira jarraitzen dugunon ahaleginari esker, gure lan onean egunez egun
konfiantza duten enpresen ahaleginari esker, zerbitzurik onena ematen laguntzen diguten
hornitzaileen ahaleginari esker, eta ezagutzak eta bitartekoak batzeko eta proiektu
berritzaileak aurrera ateratzeko elkarrekin lan egiten dugun enpresa aliatuen ahaleginari esker.
Larunbata hori guztia ospatzeko aukera izan zen: pasadizoak partekatu, uneak gogoratu, eta
hori posible egin dutenei eskerrak eman. Aurrera begiratzeko unea ere izan zen, industriako
funtsezko aliatua izaten jarraitu nahi dugulako, kalitatezko zerbitzu konprometitua eskainiz eta
langileen lankidetza eta zaintza balioekin jarraituz.
Gure ondoan egon zareten, eta oraindik jarraitzen duzuen pertsona guztiei,
ESKERRIK ASKO!
